साउन १५ मा खिर खाने नेपाल को पुरानो संस्कृतिलाई जिवित राख्ने प्रयास स्वरुप बेलबारीका सनम खतिवडाले विहिबार जेष्ठ नागरिक,वालवालिका एवम् अपाङ्गता भएका व्यक्तिहरुलाई खिर खुवाएका छन् । बेलबारी ३ का सनम खतिवडा (राजा) ले सस्कृती लाई समाजसेवा मा जोड्दै इटहरी स्थित माया घरमा आश्रित व्यक्तिहरुलाई खिर खुवाएको बताएका छन् । माया घरमा आश्रित ६० जनालाई खिर खुवाइएको उनले जानकारी दिए । नयाँ पुस्तामा मौलिक पर्व र संस्कृतिबारे कमैमात्र जानकारी हुने,मौलिकता विर्सँदै जाने अवस्थाबाट नेपाली संस्कृतिलाई जोगाउदै लैजाने सोच रहेको पनि खतिवडाले बताए । कार्यक्रममा महिला अधिकार मन्च प्रदेश १ कि संयोजक सीता सुवेदी सहित बेलबारी का युबा रोशन परिवार, सुबास गिरि,विशाल राई , लोकेश ढकाल , निरज नेपाल , सन्देश गिरि, अर्जुन ढुङ्गाना ,सुजिता लामिछाने ,सुजन चौधरि लगायत पनि खिर खुवाउने कार्यमा सहभागी भएका थिए । विभिन्न ढंगले समाजसेवा गर्ने साथै गायन प्रतिभा समेत विकास गर्दै लैजाने आफ्नो उद्देश्य रहेको सनमले जानकारी दिएका छन् ।
