कठमाडौंः १३ औं दक्षिण एशियाली खेलकुद साग अन्तर्गत सुटिङको १० मिटर एर राईफल टिम मिक्स इभेन्टमा नेपालले कास्य पनि जित्न सकेन ।
सातदोबाटोस्थित सुटिङ रेन्जमा शनिबार भएको मिक्स इभेन्टमा नेपालका कल्पना परियार र आर्नभ घिमिरेले कास्य पदकका लागि प्रतिष्पर्धा गरेका थिए । तर उनीहरूको टिम पाकिस्तानसँग पराजित भयो । पाकिस्तानका रइस नाद्रा र अदिल गुफ्रिनको टोलीले कास्य पदक हात पार्याे । पाकिस्तानी टिमले पदक भिडन्तमा १६ अंक ल्याउँदा नेपालका कल्पना र अर्नभको जोडीले ८ अंक मात्रै जोड्न सके ।
सो इभेन्टमा भारतले स्वर्ण पदक जित्दा बंगलादेशले रजत जितेको छ ।