विराटचोक ः मोरङको सुन्दरहरैंचा नगरपालिकामा सचेतना मुलक नाटक आइतबार बाट सुरु भएको छ । सुन्दरहरैंचा सांस्कृतिक परिवारको आयोजनामा भएको नाटकको उद्घाटन नगरउपप्रमुख धनमाया तामाङले गर्नुभएको छ । सुन्दरहरैंचाको वडा नम्बर १२ का विभिन्न स्थानमा ‘जीवनका भुलहरू’ नामक सडक नाटक प्रदर्शन गर्न लागिएको हो ।
आज वडा नम्बर १२ को प्राङ्गणमा प्रमुख अतिथि तामाङले रिबन काटेर नाटकको उद्घाटन गरे पछि यो ३ दिन सम्म प्रद्धशन हुने छ ।
आयोजकले खोर्साने, सुन्दरहरैंचा नगरपालिका अगाडि, हरैँचा मोड, सुकुना क्याम्पस अगाडि, शुक्रबारे बजार लगायतका स्थानमा प्रदर्शन गरिने बताइएको छ ।
सिद्धार्थ बोर्डिङ स्कुल खोर्सानेमा अध्ययनरत इराजन राई, आर्य अधिकारी, अनु दास, शमशेर आलम र अनुप बस्नेतले सडक नाटकमा अभिनय गर्ने भएका छन् । सांस्कृतिक परिवारका अध्यक्ष आनन्द बस्नेतले लेखेको सो नाटक प्रदर्शनको लागि वडा नम्बर १२ ले आर्थिक सहयोग गर्ने भएको छ ।
लागूपदार्थ दुव्र्यसनबाट बच्न जनचेतना दिने उद्देश्यले नाटक प्रदर्शन गर्न लागिएको सांस्कृतिक परिवारका अध्यक्ष आनन्द बस्नेतले बताएका छन् ।
। कार्यक्रममा वडा अध्यक्ष रोशनप्रसाद ढकाल, सुकुना क्याम्पस सञ्चालक समितिका अध्यक्ष केशव अधिकारी विभिन्न सङ्घसंस्थाका प्रतिनिधि, वडा सदस्य लगायतको उपस्थिति थियो । कार्यक्रमको स्वागत वडा नम्बर १२ का सचिब अनिल पोख्रेलले गर्नुभएको थियो ।
