पछिल्लो २४ घण्टामा पीसीआर र एन्टिजेन गरी १० हजार चार सय ४६ जनाको नमुना परीक्षण गर्दा दुई सय ७० जनामा कोरोना सङ्क्रमण पुष्टि भएको छ । योसहित नेपालमा पीसीआर विधिबाट गरेको परीक्षणमा आठ लाख २० हजार पाँच सय २७ जना र एन्टिजेन विधिबाट गरेको परीक्षणमा ९५ हजार चार सय ५२ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
यस्तै पछिल्लो २४ घण्टामा तीन सय दुई जनासहित अहिलेसम्म आठ लाख एक हजार सात सय २२ जना कोरोना सङ्क्रमित निको भएका छन् ।
यही अवधिमा कोरोना सङ्क्रमणका कारण दुई जनाको ज्यान गएको छ । योसहित कोरोना सङ्क्रमणबाट ज्यान गुमाउनेको सङ्ख्या ११ हजार पाँच सय १८ जना पुगेको छ ।
अहिले नेपालमा सात हजार दुई सय ८७ जना सक्रिय सङ्क्रमित रहेका स्वास्थ्य मन्त्रालयले जनाएको छ ।
