पछिल्लो २४ घण्टामा नेपालमा १२ हजार चार सय दुई जनाको नमुना परीक्षण गर्दा तीन दशमलव ३५ प्रतिशत अर्थात् चार सय १६ जनामा सङ्क्रमण पुष्टि भएको छ ।
आज थपिएका चार सय दुई जनासहित अहिलेसम्म पीसीआर विधिबाट गरिएको परीक्षणमा आठ लाख १७ हजार तीन सय ३३ जना र एन्टिजेन विधिबाट गरिएको परीक्षणमा ९५ हजार एक सय ३६ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
यस्तै २४ घण्टामा दुई सय ७० जना निको भएसँगै सङ्क्रमणमुक्त हुनेको सङ्ख्या सात लाख ९८ हजार पाँच सय ४४ पुगेको छ ।
यही अवधिमा एक जना कोरोना सङ्क्रमितको ज्यान गएको छ । योसँगै कोरोना सङ्क्रमणका कारण ज्यान गुमाउनेको सङ्ख्या ११ हजार चार सय ७८ पुगेको छ ।
अहिले नेपालमा सात हजार तीन सय ११ जना सक्रिय सङ्क्रमित रहेका मन्त्रालयले जनाएको छ ।