विराटनगरः नेपाली भूमि भारतले अतिक्रमण गरिरहेको सम्बन्धमा सोधिएको प्रश्नमा नेपाली काङ्ग्रेसका महामन्त्री डा सशाङ्क कोइरालाले नेपाली भूभाग कालापानी र लिपुलेक मात्रै होइन नेपाली भूमि एक इन्च पनि नछाडिने बताए ।
विराटनगर विमानस्थलमा आज सञ्चारकर्मीसँग संक्षिप्त कुराकानी गर्दै उनले प्रधानमन्त्री केपी शर्मा ओलीले आफ्नो भूभागको एक इन्च पनि नछाड्ने भनी प्रतिबद्धता जनाएकोमा काङ्ग्रेसको समर्थन रहेको उनले जनाए ।