पछिल्लो २४ घण्टामा देशभर ६ जनाले कोरोना सङ्क्रमणका कारण ज्यान गुमाएका छन् । योसँगै कोरोनाका कारण ज्यान गुमाउनेको सङ्ख्या ११ हजार तीन सय ८८ पुगेको छ ।
पाँच सय ४९ जनामा कोरोना भाइरसको सङ्क्रमण पुष्टि भएको छ । पीसीआर र एन्टिजेन विधिबाट गरी नौ हजार सात सय ४६ जनाको नमुना परीक्षण गर्दा पाँच सय ४९ जनामा कोरोना भाइरसको सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
आज थपिएकासहित नेपालमा पीसीआर विधिबाट गरेको परीक्षणमा आठ लाख ११ हजार आठ सय ९७ जना र एन्टिजेन विधिबाट गरेको परीक्षणमा ९४ हजार चार सय २८ जनामा सङ्क्रमण पुष्टि भएको छ ।
यस्तै पछिल्लो २४ घण्टामा पाँच सय ६९ जना निको भएका छन् । योसहित कोरोना सङ्क्रमणमुक्त हुनेको सङ्ख्या सात लाख ९० हजार तीन सय ५८ पुगेको छ ।
अहिले नेपालमा १० हजार एक सय ५१ जना सक्रिय सङ्क्रमित रहेकामा दुई सय ४२ जनाको आईसीयू र ७८ जनाको भेन्टिलेटरमा उपचार भइरहेको छ ।
