मोरङ । भारतबाट अवैध रुपमा लुकाई ल्याएको भारतीय रुपैयाँ सहित मोरङबाट २ जना पक्राउ परेका छन । भारतबाट अवैध रुपमा लुकाई ल्याएको १ लाख २४ हजार भारतीय रुपैयाँ सहित विराटनगर महानगरपालिका–१७ मटेरुवा चोकबाट २ जनालाई प्रहरीले पक्राउ गरेको हो ।
पक्राउ पर्नेहरूमा भारत जोगमुनी अहमदपुर–१६ बस्ने ३० वर्षीय मो.ईमरान र २० वर्षीय मो.कुबेर रहेका छन् । अस्थाई प्रहरी पोष्ट मटेरुवाबाट खटिएको प्रहरीले जाँच गर्नेक्रममा भारतबाट नेपालतर्फ आउँदै गरेका उनीहरूलाई २ हजार दरका ७ थान, ५ सय दरका १ सय ९४ थान, २ सय दरका ४७ थान र १ सय दरका ३६ थान गरी उक्त भारतीय रुपैयाँ सहित पक्राउ गरेको हो ।
उनीहरूलाई आवश्यक कारवाहीका लागि राजस्व अनुसन्धान क्षेत्रीय कार्यालय इटहरी पठाइएको जिल्ला प्रहरी कार्यालय मोरङले जनाएको छ ।