बुधबार साँझ कोरोना संक्रमण पुष्टि भएका बेलबारी वडानम्बर ९ का वडाध्यक्ष नगेन्द्र खड्का सहितका अन्य संक्रमितहरुलाई बेलबारी नगरपालिकाले निर्माण गरेको आइसोलेसनमा राखिएको छ । बुधबार साँझ संक्रमण पुष्टि भएपछि वडाध्यक्ष खड्का आज विहिबार बेलबारी २ स्थित आइसोलेसनमा जानुभएको स्वास्थ्य शाखाका सन्तोस विश्वकर्माले जानकारी दिनुभएको छ । संक्रमण पुष्टि भएका अन्यलाई पनि आइसोलेसनमा ल्याउने तयारी भैरहेको र केही भने होम आइसोलेसनमै बसेका विश्वकर्माले जानकारी दिनुभएको छ । वुधबार साँझ वडाध्यक्ष खड्का सहित विभिन्न वडाका ११ जना व्यक्तिमा कोरोना संक्रमण पुष्टि भएको थियो ।
