बेलबारीका ६ जना संक्रमितले कोरोना जितेका छन् । बेलबारी नगरपालिका स्वास्थ्य शाखाका अनुसार संक्रमित भएर होम आइसोलेसनमै बसेका बेलबारी १ र २ का ६ जना कोरोना मुक्त भएका हुन् । स्वस्थ्य शाखाका सन्तोस विश्वकर्माका अनुसार भदौ ११ गते विहिबार ९ जनाको स्वाव संकलन गरेर धरान स्थित विपि कोइराला स्वास्थ्य विज्ञान प्रतिष्ठान लगिएको मा शनिबार आएको रिपोर्ट अनुसार ६ जनामा कोरोना नेगेटिभ देखिएको हो । ३ जनाको भने रिपोर्ट आउन बाँकी रहेको छ । विश्वकर्माका अनुसार बेलबारी २ का ३५ वर्षिय महिला र २९ वर्षिय पुरुष कोरोनामुक्त भएका हुन । त्यस्तै बेलबारी १ का ४९ र १२ वर्षिय पुरुष तथा ३६ र १६ वर्षिया महिला पनि कोरोनामुक्त भएका छन् । संक्रमण मुक्त भएका बेलबारी १ का ४ जना एकै परिवारका हुन् । सोही परिवारका ६६,१८ र १३ वर्षिया महिलाको भने रपोर्ट आउन बाँकी रहेको विश्वकर्माले जानकारी दिनुभएको छ । कन्ट्याक टे्रसिङमा परेका उनीहरु सबैमा गत भदौ १ गते कोरोना संक्रमण पुष्टि भएको थियो ।
