काठमाडौं / थ्री स्टार क्लबले जीत हासिल गरेको छ । सातदोबाटोस्थित अखिल नेपाल फुटबल संघ (एन्फा) मुख्यालय मैदानमा जारी एन्फा यु–१६ युथ लिगमा शुक्रबार हिमालयन शेर्पा क्लबविरुद्ध २–१ को जित दर्ता गरेको हो ।
थ्री स्टारलाई जित दिलाउनका लागि राज बम र भुपेन्द्रबहादुर राउतले गोल गरेका थिए भने हिमालयन शेर्पाका लागि अमीर तामाङले गोल फर्काउन सफल भएको थिए । जितसँगै थ्री स्टारले तीन खेलबाट सात अंक जोडेको छ भने पराजित हिमालयन शेर्पाको समान खेलबाट एक अंक मात्र रहेको छ।