पथरी / निजि तथा आवासिय विद्यालय अर्गनाइजेशन नेपाल (प्याव्सन) को तेस्रो नगर अधिवेशन शनिवार सम्पन्न भएको छ ।
पथरीशनिश्चरे वडा नं १ स्थित भु.पु.सैनिक बोर्डिङको सभाहलमा सम्पन्न अधिवेशनमा पथरीशनिश्चरे नगरपालिकाका नगरप्रमखु मोहन तुम्वाको प्रमुख आतिथ्यता रहेको थियो । अधिवेशनका अवसरमा प्याव्सनले पथरीशनिश्चरेलाई कार्यक्षेत्र बनाएर लामोसमयदेखि पत्रकारीता गर्दै आएका पत्रकार अर्जुन जम्नेली र मोहन भट्टराई सम्मान समेत गरेको थियो ।
त्यस्तै गत एस.इ.इमा ४ जिपिए ल्याउने रेडस्टारका विद्यार्थी सतिश आचार्य र अजय सुब्बा कक्षा १२ नगरकै सबैभन्दा बढि (३.८) जिपिए ल्याई पास हुने रेडस्टारकै मनिता कार्किलाई नगद पुरस्कार सहित सम्मान गरेको थियो । कार्यक्रममा नगरप्रमुख तुम्वापो,उद्योग वाणिज्य संघ पथरीका अध्यक्ष दिपक बस्नेत, इलाका प्रहरी कार्यालय पथरीका डिएसपि मोहनविक्रम दाहाल लगायतले शुभकामना मन्तव्य राखेका थिए ।
अधिवेशनले सन्तोष बस्नेतको अध्यक्षतामा नया कार्यसमिति समेत गठन गरेको छ । समितिको सचिव सुजन बास्तोला र कोषाध्यक्षमा रविन कन्दङ्वा रहेका छन भने सदस्यहरुमा नरबहादुर कार्कि र गिता लिम्बु रहेका छन।