सुन्दरहरैचा । राष्ट्रिय युवा संघ नेपाल सुन्दरहरैचाले जेष्ठ नागरिकहरुलाई न्यानो कपडा वितरण गरेको छ । नगर कमिटिले सुन्दरहरैचा नगरपालिका वडा नं ४ स्थित बडहरामा जेष्ठ नागरिकहरुलाई न्यानो कमडा वितरण गरेको हो ।
केहि दिन यता बढेको अत्याधिक शितलहर को कारणले जनजिबन प्रभाबित भएको भन्दै युवा संघले न्यानो कपडा वितरण गरेको हो । युवा संघले वडा नं ४ को बडहरा स्थित २० जना जेष्ठ नागरिकलाई न्यानो कपडा वितरण गरेको संघका नेता प्रविण घिमिरेले जानकारी दिए ।
संघले अन्य वडामा समेत न्यानो कपडा वितरण गर्ने तयारी गरिरहेको घिमिरेले जानकारी दिएका छन । कार्यक्रममा राष्ट्रिय युवा संघ नेपालका केन्द्रिय सदस्य तथा मोरङ सह-इन्चार्ज मनोज राई, प्रदेश कमिटी सदस्य जयप्रकास रायमाझी लगायत संघका अन्य व्यक्तीहरुको उपस्थिती रहेको थियो ।