सुनसरीमा बस दुर्घटनामा सह–चालकको मृत्यु २० जना घाईते

सुनसरी ।
सुनसरी कोशी गाँउपालिका ८ भाण्टाबरीमा बस दुर्घटना हुँदा बसका सह–चालकको मृत्यु भएको छ । २० जना घाईते भएका छन् ।
मृत्यु हुनेमा बसका सह–चालक सिरहा धनगढी नगरपलिका ८ का २६ बर्षिय जिवस यादव रहेका छन् ।
शनिबार दिउँसो साढे १ बजे को १ ख ४९८८ नम्बरको बसले ओभरट्याक गर्दा को १ ख ६३७५ नम्बरको ट्रकलाई ठक्कर दिँदा उक्त दुर्घटना भएको थियो । दुर्घटनामा घाईते भएका यादवको जिल्ला अस्पताल ईनरुवामा उपचारको क्रममा दिउँसो २ बजे मृत्यु भएको हो ।
बस चालक सिरहा लाहान नगरपालिका ८ का अमित गुप्ता र ट्रक चालकलाई जिल्ला प्रहरी कार्यालय सुनसरीले पक्राउ गरी थप अनुसन्धान भईरहेको छ ।