जनता समाजवादी पार्टीको संगठन सुदृढिकरण तजा जनजागरण अधियान (सुज अभियान) अन्तर्गत बेलबारीमा पार्टीका केन्द्रिय उपेन्द्र यादव सहितका केन्द्रिय नेताहरु बेलबारी आउने भएका छन् । सुज अभियान अन्तर्गत बेलबारीमा हुन लागेको जनजागरण तथा पार्टी प्रवेश कार्यक्रममा यादवसहितका नेता सहभागी हुने जसपा नेपाल उत्तरी क्षेत्र आर्कले बेलबारीमा शनिबार पत्रकार सम्मेलन गरेर जानकारी गराएको हो ।
कार्यक्रम कात्तिक २९ गते सोमबार बेलबारी १ स्थित तमुवुद्धिष्ट गुम्बामा आयोजना हुने पार्टीको उत्तरी क्षेत्र आर्क मोरङका सदस्य सचिव केशव थापामगरले जानकारी दिए । उनका अनुसार सो कार्यक्रममा केन्द्रिय अध्यक्ष यादवसहित,केन्द्रिय कार्यकारिणी सदस्य युवराज कार्की,केन्द्रिय सदस्य तथा प्रदेश नंम्बर १ का अध्यक्ष प्रविण चाम्लिङ,केन्द्रिय सदस्य तथा लिम्बुवान राष्ट्रिय समितिका अध्यक्ष खगेन्द्र माखिम,केन्द्रिय सदस्य तथा प्रदेश नम्बर १ का सामाजिक विकासमन्त्री जयराम यादव लगायत सहभागी हुने सो जसपाले जानकारी दिएको छ ।
पार्टीको संगठन सुदृढिकरण गर्दै मजवुत बनाउने र आफ्ना एजेण्डाहरु जनतमाझ पुर्याउने लगायत उद्देश्यले अभियान अन्तर्गत कार्यक्रम आयोजना हुन लागेको आर्कका संयोजक केशवमान गुरुङले जानकारी दिएका छन् ।
पत्रकार सम्मेलनमा जसपाका केन्द्रिय सदस्य तथा शिल्पी विशेष प्रदेश समिति अध्यक्ष दलमर्दन कार्मी,प्रदेश सदस्य केदार धिमाल लगायतको उपस्थिति रहेको थियो ।
