काठमाडौंः नेपाल आइस हक्की सङ्घको अध्यक्षमा भुवन पाठक निर्विरोध चयन भएका छन् । सङ्घको आज भएको दोस्रो साधारण सभाले पाठकको अध्यक्षतामा १७ सदस्यीय केन्द्रीय कार्यसमिति निर्विरोध चयन गरेको हो ।
सङ्घको उपाध्यक्षत्रयमा श्रीविक्रम भण्डारी, विजय खड्का र मदन केसी, महासचिवमा गणेश रिमाल, सचिवमा मनोज ढुङ्गेल तथा कोषाध्यक्षमा हरि मानन्धर रहेका छन् ।
प्रज्ज्वल थापा, मुकेश शाही, देवकृष्ण थापा, लेखनाथ शर्मा पराजुली, श्रेया केसी, रोजेश रिजाल, कमल शर्मा आचार्य, गोविन्दसिंह डङ्गोल, ठाकुरप्रसाद पौडेल र दिलबहादुर तामाङ सदस्यमा चयन भएका छन् । साधारण सभाको सङ्घीय सांसद् एवं नेपाल ओलम्पिक कमिटीका अध्यक्ष जीवनराम श्रेष्ठले उद्घाटन गरेका थिए ।