भारतीय प्रधानमन्त्री नरेन्द्र मोदीले विपद्का बेला सबैभन्दा पहिले छिमेकीहरु जुट्ने भएकोले सम्बन्ध असल हुनुपर्ने बताउनुभएको छ । प्रधानमन्त्री मोदीले आज ट्वीट गरेर भुटान, नेपाल, माल्दिभ्स, मोरिसस छिमेकी मात्र नभइ सोच र सामाजिक चालचलन समेत मिल्ने भएकोले सम्बन्ध र व्यवहार असल हुनुपर्ने बताउनुभएको हो ।
उहाँले लेख्नुभएको छ ‘भूटान होस्, नेपाल होस्, माल्दिभ्स होस्, मोरिसस होस्, हामी केवल छिमेकी मात्रै होइन, बरु हाम्रो सोच र सामाजिक चालचलनमा पनि धेरै समानता छ । हामी सबै सुख–दुःखका साथी हौं । जब, कुनै आपत आउँछ, विपत्ति आउँछ, तब सबैभन्दा पहिले हामीले एक अर्कालाई सहयोग गर्छौँ।’