इलामः माईभ्याली फुटबल क्लबको अध्यक्षमा पुनः धिरेन चेम्जोङ निर्वाचित भएका छन् । जिल्ला समन्वय समितिको सभाहलमा भएको दोस्रो अधिवेशनबाट चेम्जोङको अध्यक्षतामा २३ सदस्यीय कार्यसमिति निर्वाचित भएको हो ।
समितिको उपाध्यक्षमा दिनेश काफ्ले, महासचिवमा विनोद श्रेष्ठ, कोषाध्यक्षमा कमल सुवेदी र सचिवमा राजेश पराजुली रहेका छन् । सदस्यमा महेश श्रेष्ठ, मुकेश दाहाल, राजकुमार श्रेष्ठ, जीवन देवान, वीरेन्द्र देवान, विप्लव कोइराला, सविता पाण्डे, मनिषा अधिकारी, आनन्द भक्तराज रहेका छन् ।
त्यसैगरी, अन्य सदस्यमा छेतेन शेर्पा, साङ्गे योल्मो, कविन्द्र राई, सुलोचना भक्तराज, सुमन राई, सुरेन्द्र राई, सजितसिंह खत्री, बुद्धिमान राई र दिपेश श्रेष्ठ चयन भएका छन् ।
क्लबले ७ सल्लाहकार समितिसमेत चयन गरेको छ । समितिमा महेश बस्नेत, राजकुमार भक्तराज, राम खत्री, घनेन्द्र भक्तराज, इन्द्र फुयल, ध्रुव भक्तराज र तिलक ठकुरी रहेका छन् । मंगेश बस्नेतको संयोजकत्वमा दर्शन भक्तराज, याम राई, राजु थापा मगर र महेश खड्का सदस्य रहेको प्राविधिक समिति गठन गरिएको छ ।