बेलवारी / मोरङको बेलवारी ११ स्थित लक्ष्मीमार्गमा बेलवारी खेलकुद तथा सांस्कृतिक महोत्सव हुने भएको छ । शनिवार आयोजक लक्ष्मीमार्ग फुटवल क्लवले पत्रकार सम्मेलनको आयोजना गरि महोत्सवको तयारीबारे जानकारी गराएको छ ।
१७ गतेबाट उद्घाटन हुने उक्त महोत्सवको पहिलो दिन चर्चित गायक सविन राईको प्रस्तुति रहने आयोजकले जानकारी दिएको छ । पुस ५ गते सम्म सञ्चालन हुने उक्त महोत्सवमा ६५ लाख रुपैया खर्च हुने र ७० लाख रुपैया आम्दानि गर्ने अनुमान रहेको महोत्सवका संयोजक नुतन लिम्बुले बताए । स्थानिय कलाकारको प्रतिभा प्रस्फुटनका साथै स्थानिय खेलकुद प्रवद्र्धन तथा पर्यटकिय स्थललाई देशभरि चिनाइ बेलवारीलाई पर्यटकको आगमनको केन्द्र बनाउन समेत महोत्सवले सहयोग पुर्याउने आयोजकको उद्धेश्य रहेको उनले बताए ।