पथरी / पथरी शनिश्चरे नगरपालिकाको स्वीकृत विपन्न नागरिकसँग उपमेयर कार्यक्रम अन्तर्गत विपन्न एकल महिलाहरूलाई सम्मान कार्यक्रम गरिएको छ ।
नगर उप–प्रमुख देविमाया काफ्लेले नगरपालिकाको १० वटै वडामा गएर सो सम्मान कार्यक्रम सम्पन्न गर्नुभएको हो । नगरका सबै वडा कार्यालयहरुमा गरिएको सो कार्यक्रममा वडाध्यक्षहरु वीरबहादुर राई, चेतेन्द्र खड्का, जीवन खतिवडा, नविन कार्की, लोककिरण न्यौपाने, उद्धवराज बस्नेत, बिजय लिम्बु, नैना राई, कृष्ण कुमार बस्नेत र भीम कुमार राईको अध्यक्षता रहेको थियो । आइतबार, सोमबार र मंगलबार तीनसम्म सो सम्मान कार्यक्रम सञ्चालन गरिएको थियो ।
कार्यक्रममा मन्तव्य राख्नुहुँदै कार्यक्रमको प्रमुख अतिथि उप–प्रमुख देविमाया काफ्लेले यो पटक नगरका जति जना एकल महिलाहरुलाई सम्मान गरियो भावी दिनमा अझै धेरैलाई जनालाई सम्मान गरिने बताउनुभयो ।