पथरी / पथरी शनिश्चरे नगरपालिका कृषि विकास शाखाको आयोजनामा वडा स्तरीय बाली वीमा सम्बन्धी अभिमुखीकरण तालिम सम्पन्न भएको छ ।
बुधवार वडा नं. ९ को कार्यालयमा तालिमको उद्घाटन गरिएको हो । वडा सदस्य मन्जु राईको अध्यक्षता र वडा नं. ९ का अध्यक्ष वीरबहादुर राईको प्रमुख आतिथ्यमा कृषकहरुको सक्रिय उपस्थितिमा तालिम सम्पन्न भएको हो । सो तालिमको सहजीकरण नगरका कृषि अधिकृत प्रवेश ढकाल र टिका राईले गर्नुभएको थियो । आज सोही तालिम वडा नं. ७ मा हुने कृषि विकास शाखाले जानकारी दिएको छ ।