सुन्दरहरैंचा । मोरङको सुन्दरहरैंचा नगरपालिकामा दुई समूह बिच कुटाकुट भएको छ । सोमबार दिउँसो ४ बजे सुन्दरहरैंचा नगरपालिका वडा नं ९ स्थित त्रिवेणीमा रहेको फुटबल मैदानमा दुई समूह बिच कुटाकुट भएको हो ।
दुई समूह बिच झगडा हुँदा सुन्दरहरैंचा नगरपालिका वडा नं ९ बस्ने वर्ष २० का प्रतीक पोखरेल घाइते भएका छन । घाइते पोखरेललाई विराटचौक स्थित सुकुना सामुदायिक हस्पिटलमा उपचारको लागि लगिएको छ ।
प्रहरीले घटनामा संलग्न एक जनालाई पक्राउ गरेको छ । घटनामा संलग्न अन्य व्यक्तीहरु भने भागेका छन । प्रहरीले एकजनालाई पक्राउ गरेर अन्यको खोजी गरिरहेको छ ।