एक हजार पाँच सय ६२ जनामा कोरोना सङ्क्रमण

  •  
  • 2
  •  
  •  
  •  
  •  
  •  
  •  
  •  

पछिल्लो २४ घण्टामा नेपालमा एक हजार पाँच सय ६२ जनामा कोरोना भाइरसको सङ्क्रमण पुष्टि भएको छ । पीसीआर र एन्टिजेन गरी १४ हजार चार सय ४३ जनाको नमुना परीक्षण गर्दा एक हजार पाँच सय ६२ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

यो कुल परीक्षणको १० दशमलव ८१ प्रतिशत हो । आज थपिएकासहित नेपालमा कोरोना सङ्क्रमण पुष्टि हुनेको सङ्ख्या आठ लाख ६६ हजार नौ सय पाँच पुगेको छ ।
यस्तै पछिल्लो २४ घण्टामा एक हजार पाँच सय ८९ जना निको भएसँगै कोरोना सङ्क्रमणमुक्त हुनेको सङ्ख्या सात लाख ४२ हजार तीन सय ६ पुगेको छ ।
यही अवधिमा थप १९ जनासहित कोरोना सङ्क्रमणका कारण ज्यान गुमाउनेको सङ्ख्या १० हजार नौ सय ८४ पुगेको स्वास्थ्य मन्त्रालयले जनाएको छ ।

अहिले नेपालमा २६ हजार दुई सय दुई जना कोरोना भाइरसका सक्रिय सङ्क्रमित रहेकामा चार सय ५३ जनाको आईसीयू र एक सय ३७ जनाको भेन्टिलेटरमा उपचार भइरहेको छ ।