पछिल्लो २४ घण्टामा तीन हजार ४२ जनामा कोरोना सङ्क्रमण पुष्टि भएको छ । स्वास्थ्य तथा जनसंख्या मन्त्रालयले दिएको जानकारी अनुसार १० हजार पाँच सय ३० जनाको पीसीआर र सात हजार एक सय २४ जनाको एन्टिजेन गरी १७ हजार ६ सय ५४ जनाको नमुना परीक्षण गर्दा तीन हजार ४२ जनामा सङ्क्रमण पुष्टि भएको हो ।
२४ घण्टामा नमुना परीक्षण गरिएकामध्ये १७ दशमलव २३ प्रतिशतमा सङ्क्रमण देखिएको मन्त्रालयले जनाएको छ । आज थपिएकासहित नेपालमा कोरोना सङ्क्रमण पुष्टि हुनेको सङ्ख्या आठ लाख २३ हजार ६ सय ४७ पुगेको छ ।
यस्तै पछिल्लो २४ घण्टामा दुई हजार दुई सय ४४ जना निको भएसँगै कोरोना सङ्क्रमणमुक्त हुनेको सङ्ख्या ६ लाख ९३ हजार पाँच सय ४३ पुगेको छ ।
यही अवधिमा थप २६ जनाले कोरोना सङ्क्रमणका कारण ज्यान गुमाएका छन् । योसहित कोरोना सङ्क्रमणका कारण ज्यान गुमाउनेको सङ्ख्या १० हजार चार सय ५५ पुगेको छ । अहिले नेपालमा ४० हजार तीन सय नौ जना कोरोनाका सक्रिय सङ्क्रमित रहेका छन् ।
