अन्तरर्वाता

‘थोरै गर्यौं, धेरै गर्न नसकेकै हो’

अरुलाई पनि शेयर गर्नुहोस
  •  
  •  
  •  

विराटनगर महानगरपालिकामा उपमेयर पदको जिम्मेवारी सम्हाल्नुभएको एक वर्ष पुरा भएको छ । आफ्नो कार्यकाललाई कसरी मूल्याङ्कन गर्नुहुन्छ ?
पक्कै पनि हामीले पाँच वर्षे कार्यकालको २० प्रतिशत समय विताइसकेका छौं । नयाँ संरचना, नयाँ व्यवस्था तथा नयाँ अनुभव भएका कारण जुन अपेक्षा जनताले गर्नुभएको थियो ति सबै पुरा भएका छैनन् । जनताले सोचे जस्तो गर्न सकेका कछैनौं होला तर जनतासँग गरेको प्रतिवद्धता हामी इमान्दारिता पूर्वक पालना गरिरहेका छौं । हामी निरन्तर प्रयत्नरत छौं ।

जनअपेक्षा अनुरुप काम गर्न सकेनौ भन्न खोज्नु भएको हो ?
बाटो बनाउने, नाला बनाउने, खाल्डाखुल्डी पुर्ने लगायतका कामहरु भएका छन् । तर यी सबै नियमित कामहरु हुन् । एउटा वडामा हामीले २० लाखसम्म रकम पठाएर खाल्डा पुर्न भन्यौं । तर पोहोरको बाढी लगायत विभिन्न कारणले न्न कारणले आज उस्तै भएको छ । आज पुर्यो, भोली फेरी खाल्डो पर्छ । यो नियमित प्रकृया हो । तर हामी जन अपेक्षा पुरा गर्ने निरन्तर प्रयाशरत छौं ।

त्यसबाहेक देखिने किसिमको काम हामीले गर्न सकिरहेका छैनौं, अब गर्दैछौं । अहिलेसम्म देखिन काम भएको छैन । जनताको नजरबाट हेर्दा नगरपालिकाले यो गर्यो भन्न सक्ने अवस्था छैन । नभएको कुरालाई हामीले स्वीकार गर्नैपर्छ । तर अब हामी गर्छौ । धेरै काम प्रकृयामा छ । जनताको अपेक्षा अनुसार हामी काम गर्छौ । अहिले गरेको कामको परिणाम पनि केही समयपछि देखिने छ ।नियमित प्रकृयाको  विकासभन्दा नयाँ तथा दिर्घकालिन प्रभाव राख्ने कामको अवस्था के रह्यो ?
यो विषयमा हामी सबै गम्भिर हुन आवश्यक छ । विराटनगर यतिबेला महानगर मात्र नभएर प्रदेशको राजधानी भएको छ । यसको आफ्नो पहिचान छ, आफ्नो अस्तित्व छ । जनताको अपेक्षा अनुसार हामी नमुना महानगर बनाउने प्रयत्नमा छौं । स्थानीय, प्रदेश र केन्द्र सरकारको आ–आफ्नो अधिकार क्षेत्रहरु तोकिएको छ । नीतिगत अस्पष्टताले कतिपय विषयहरु अलमलमा परेका छन् । प्रदेश र स्थानीय सरकारकोबीच पनि तालमेल नभएको अवस्था छ ।

त्यसो त, संघीयता हामी सबैको नयाँ अनुभव पनि हो । विषयवस्तु बुझ्न समय लागेको निश्चय नै हो । आ–आफ्नो अधिकार आफूले प्रयोग गर्न नपाएकै कारण यहाँ द्वन्द्व देखिएको छ र जनअपेक्षा अनुसार काम पनि हुन सकेको छैन । आवश्यक कर्मचारी नभएका कारण पनि महानगरले खास काम गर्न सकिरहेको छैन ।हामीले बजेटमा शिक्षा र स्वास्थ्यलाई प्राथमिकतामा राखेका छौं । पाँचओटा विद्यालयलाई नमुना विद्यालय बनाउने भनेर बजेट छुट्याइएको छ । छात्राहरुलाई सेनेटरी प्याड् बाँढ्ने योजना बनाएका छौं । कतिपय ठाउँमा छात्रामैत्री शौचालयसम्म नभएको अवस्था छ । त्यहाँ हामीले ध्यान दिइरहेका छौं । प्रथम सन्तान छोरी हुनेलाई प्रोत्साहन गरेजस्तै दोस्रो छोरी हुनेलाई पनि प्रोत्साहन रकम उपलब्ध गराउने तयारीमा छौं । मेरो नेतृत्वमा छोरी बचाउ अभियानका साथ छोरी पढाउ अभियान संचालनमा अएको छ ।

त्यसबाहेक, विराटनगरको मुहालमा परिवर्तन ल्याउने उद्देश्यका साथ हामीले आकाशे पुल साथै भ्यू टावरको निर्माणको कन्सेप्ट सोचिरहेका छौं । विराटनगरको ट्राफिक व्यवस्थापनमा विशेष ध्यान दिने हाम्रो योजना रहेको छ ।

पुरानो परियोजना अन्तर्गत विराटनगरमा विकास निर्माणको काम भइरहेको छ । यसले आधा विराटनगरको सडक तथा ढल नालाको समस्या समाधान गर्छभन्ने अपेक्षा गरौं । यो योजना सम्पन्न भएपछि विराटनगर नियमित विकासमा मात्रै सिमित हुने त हैन ?
पहिलो वर्ष भएका कारण विकास निर्माण तथा अन्य देखिने गतिविधिकालागि कार्यक्रम ल्याउन सकिएन । तर हामी तयारीमा छौं । केही दाताहरुसँग कुरा गरिरहेका छौं । नयाँ कार्यक्रम ल्याउनै पर्छ । अहिले चलिरहेको एडिबीको परियोजनाबाट लगानीकर्ताहरु सन्तुष्ट हुनुहुन्छ । चाँडो काम भएको छ । कतैकतै काम नबिग्रिएको पनि होइन, तर पछि सपारिएको छ । विकास परियोजनाका लागि एडिबीले आगामी वर्षका लागि पनि नयाँ कार्यक्रमहरु दिनेछ भन्ने हाम्रो अपेक्षा छ । सहरी विकास मन्त्रालयबाट पनि योजना ल्याउन पहल गरिरहेका छौं ।हाम्रो मात्रै आयस्रोतले विकास निर्माणमा लगानी गर्नसक्ने अवस्था छैन । तरपनि हामीले विभिन्न दातृ निकायसँग समन्वय गरेर योजना बनाउने र कार्यक्रमहरु ल्याउने तयारीमा छौं ।
महानगरले भर्खरै बजेट सार्वजनिक गरेको छ । सामान्य सर्वसाधारणमा करको भार अत्याधिक थपिएको गुनासो छ । करको दर किन बढाययो ?
कर बढेको भन्ने विषय बिलकुल होइन । बुझाईमा फरक परेको हो । भर्खरै बजेट सार्वजनिक भएको छ । विराटनगरलाई हेटौंडा नगरपालिकाको भन्दाकम बजेट आएको छ । हामीलाई पुर्याउनु पनि पर्ने छ । त्यसको अर्थ हामीले कर लिएर सबै पुर्याउन खोजेको किमार्थ होइन । अवस्था हेरेर कहिले बढ्ने वा कहिले घट्ने हुनसक्छ । तर जनतालाई मार पर्ने गरी बजेट बनाएजस्तो लाग्दैन । करको दायरालाई फराकिलो बनाएको मात्र हो । सर्वसाधारणले यो विषयलाई बुझ्नुहुनेछ ।

तपाई न्यायीक समितिको संयोजकमा हुनुहुन्छ । न्याय सम्पादनको जिम्मेवारी लिएर काम गर्दा तपाई व्यक्तिगत रुपमा कति सन्तुष्ट हुनुभयो ?
ऐनले दिए अनुसार मैले अधिकारको प्रयोग गरिरहेको छु । यहाँ मेयरले यो गर्ने, उपमेयरले यो गर्ने भन्ने कार्यविभाजन गरिएको छैन ।  मुख्य जिम्मेवारीको रुपमा रहेको न्यायीक समितिमा रहेर हामीले १० ओटा मुद्दा अदालतमा पठायौं । सात ओटा मुद्दा हामी आफैंले मिलायौं । मैले सुनुवाई गरेको मुद्दाहरु मध्ये एउटा दम्पतीको घर विभाजन हुनबाट जोगाउँदा भने म सबैभन्दा धेरै सन्तुष्ट भएको छु । एउटा मुस्लिम समुदायको परिवारमा श्रीमान श्रीमतीबीचको उत्कर्षमा थियो । श्रीमानले सम्वन्ध विच्छेदको माग गर्दै उजुरी गर्नुभएको थियो  । त्यो विषय मैले ९ महिना लगाएर समाधान गर्न हिल गरें । अहिले दुवै जना मिलेका छन् । अदालतबाट पनि मुद्दा फिर्ता लिए । मिलाउन हुन्न भने दवाव पनि थियो तर घर बिगार्नु हुँदैन भनेर हामीले त्यसको अध्ययन गर्यौं र मिलायौं ।घरायसी विषयका मुद्दाहरु अधिकांश आउँथे । श्रीमान श्रीमती, बाबु छोरा, ससुरा बुहारीका झगडाका विषयहरु धेरै आउने । हामी आफुले सकेसम्म विषयवस्तु मिलाएर दुबै पक्षलाई हारेको अनुभूति नगराउँदै मुद्दा मिलाउने प्रयत्न गर्यौ

Facebook Comments
Show More

Related Articles