nirantarkhabarसमाचार

नेकपाका ८ जनालाई केन्द्रीय सदस्य हुँदाहुँदै जिल्ला सचिवको जिम्मेवारी

अरुलाई पनि शेयर गर्नुहोस
  •  
  •  
  •  

९ बैशाख । नेपाल कम्युनिस्ट पार्टी (नेकपा)का ८ जना केन्द्रिय सदस्य नेता जिल्ला कमिटीको सचिव भएका छन । केन्द्रीय कमिटी एकता हुँदा केन्द्रीय सदस्य बनेका ८ नेतालाई जिल्ला कमिटीको एकतामा सचिव बनाइएको हो ।

सोमवार घोषणा गरिएको जिल्लाका पदाधिकारीको सूचीमा ८ केन्द्रीय सदस्यलाई जिल्ला सचिवको समेत जिम्मेवारी दिइएको छ । जिल्ला सचिव हुनेमा ७ जना साविक माओवादी केन्द्र र १ जना साविकको एमालेबाट छन् ।
साविकको माओवादीबाट धादिङमा शालिकराम जम्कट्टेल, काठमाडौंमा हिमाल शर्मा, सर्लाहीमा डाचाराज वाग्ले, रौतहटमा युवराज भट्टराई, मोरङमा गोपिबहादुर अछामी, सिन्धुपाल्चोकमा दावा लामा तामाङ र रुपन्देहीमा दधिराम न्यौपानेलाई केन्द्रीय सदस्य हुँदाहुँदै सचिवको जिम्मेवारी समेत दिइएको छ ।

साविक एमालेबाट केन्द्रीय सदस्य बनेका सिराहाका प्रमोदनारायण यादव जिल्ला सचिव समेत बनेका छन् । धादिङका जम्कट्टेल प्रदेश ३ सरकारका आन्तरिक मामिला तथा कानूनीमन्त्री समेत हुन् । आइतबार साँझ प्रधानमन्त्री निवास बालुवाटारमा बसेको बैठकले ७७ जिल्लामा पार्टी नेतृत्वको टुंगो लगाएको हो ।

Facebook Comments
Show More

Related Articles